7 Maj 2013 – Nëse gjatë
këtyre orëve kërkon të hapësh faqen zyrtare të Institucionit të Avokatit të
Popullit të Republikës së Shqipërisë www.avokatipopullit.gov.al
për të marrë një informacion apo referuar seksioneve të saj të ndryshme
rezulton se ajo është hack-uar dhe dëmtuar. Ky konstatim vjen që nga momenti që
bën një kërkim të thjeshtë në Google, ku ndër të tjera shfaqet teksti: Hacked by Islamic Ghosts Team, përkthyer
përafërsisht në shqip: Sulmuar nga Skuadra e Fantazmave Islamike.
Ndërkohë teksa hyn
ne faqen zyrtare, duket se të gjitha materialet dhe pamjet e hedhura aty janë të
dëmtuara.
Vetëm para disa javësh
një organizate fetare e quajtur Forumi Mysliman Shqiptar i ka dërguar një letër
Ministrit të Drejtësisë Z. Eduard Halimi ku i kërkohej të kriminalizonte
homoseksualizmin dhe ku dënohej puna sensibilizuese e Zyrës së Avokatit të
Popullit ndaj çështjeve LGBT.
Ndërkohë vetëm në
datën 2 Maj është miratuar në Parlament amendimi i ligjit 119/a ku ndër të
tjera ndëshkohet “shpërndarja e materialeve raciste, homofobike apo ksenofobike
përmes sistemeve të komunikimit dhe teknologjisë së informacionit.”
Mësohet nga Zyra e
Shtypit të Avokatit të Popullit se një kërkesë mbi këtë çështje është dërguar
pranë Prokurorisë për të nisur hetimet e posaçme.
No comments:
Post a Comment