Studimet mbi Familjet Gay dhe Martesat Gay

Gjate vitit 2012 Ambasada PINK/LGBT Pro akomodoi disa studente qe kryen praktiken prane zyrave te Ambasades gjithashtu qe trajtuan dhe temat e master ne lidhje me tematikat LGBT. Me poshte eshte nje permbledhje e shkurter e Desarta Spahiu qe mori titullin master ne Punen Sociale. Tema e saj e diplomes trajtoi opinionin publik per martesat te se njejtes gjini, ose martesat gay. 

Desarta Spahiu- Faktorët Ndikues në Formimin e Qëndrimeve mbi Martesat Gay

Udhëheqës Shkencor: Prof. Dr. Edmond Dragoti

Martesa gay mund të përfshijë dhe fëmijë. Familjet gay kanë nëvojë për të njejtat të drejta të martesës ligjore sikurse familjet e tjera. Studimet mbi familjet gay dhe fëmijët mund të mbështesin legalizimin e martesave gay duke siguruar informacion mbi llojet e marrëdhënieve dhe cilësinë e jetës në familjet gay. Në mënyrë specifike, studimet mbi mirëqenien e fëmijëve nga çiftet gay ilustrojnë se përshtatja psikologjike dhe sjellore është më shumë një funksion i proçeseve familjare dhe ndërveprimit sesa një funksion direkt i përbërjes familjare e tillë si të pasurit një baba dhe një nënë (Anderson, 2004; Avery, 2007; Biblarz & Stacey, 2010; Chan, Raboy, & Patterson, 1998; Gerson, 2010; Lubbers, 2009). 

Për shembull, Chan (1998) shqyrtoi marrëdhënien e strukturës familjare të përshtatjes psikologjike të fëmijëve të krijuar nga inseminimi përmes dhuruesit të spermës. Rezultatet treguan se përshtatja e fëmijëve nuk lidhej me faktorë strukturorë të tillë si orientimi seksual i të rriturve apo numri i prindërve në shtëpi. Përshtatja e fëmijëve ishte e lidhur me ndërveprimet familjare dhe proçeset. Një shembull e proçeseve familjare përfshinte lumturinë e marrëdhënies së prindërve dhe konfliktet ndërmjet prindërve. Autori sugjeroi se fëmijët do të përjetonin më shumë vështirësi më përshtatjen kur prindërit përjetonin nivele të larta stresi ose konflikti (Chan, 1998). 

Lubbers (2009) analizoi sesi niveli arsimor i nënës dhe qëndrimi ndaj homoseksualitetit ishte i lidhur me mbështetjen ose mungesën e saj për martesat gay. Në mënyrë specifike, familjet në të cilat nënat kanë këndvështrime negative ndaj homoseksualitetit përkthehej në këndvështrime negative ndaj martesave gay. Nënat me arsimim më të ulët tregonin më pak mbështetje për martesat gay. 

Studimet që tregojnë se burrat dhe gratë prindërojnë në mënyra të ndryshme mbështesin idenë se të pasurit e dy nënave ose dy babave mund të sigurojnë prindërim cilësor në familjet gay. Një mënyrë e re për pranueshmëri sociale të familjeve gay mund të demostrohet duke treguar që prindërimi cilësor nuk lidhet me gjininë. Biblarz dhe Stacey (2010) kanë argumentuar se burrat dhe gratë prindërojnë në mënyra të ndryshme. Shumë studiues bien dakort që burrat dhe gratë prindërojnë ndryshe por nuk pajtohen mbi aspektet e shumta të prindërimit. Shumë studiues bien dakort se nevojiten me shumë studime të detajuara mbi variacionet e tipeve të familjeve (Alderson, 2004; Avery, 2007; Chan, Raboy & Patterson, 1998). 

Për shembull, Biblarz dhe Stacey (2010) gjetën se studimet e përshkruara me të njejtin numër prindërish, më të njëjtin status social të familjes dhe me përzierje të gjinive të ndryshme të prindërve kanë një ndikim të ngjashëm mbi përshtatjen e fëmijës me prindër dy femra kur krahasohen prindërit një femër dhe një mashkull. Gjithsesi, nuk ka kërkime krahasuese mbi prindërimin e fëmijëve nga dy burra ose forma të tjera të familjeve. 

Një studim tjetër i kohëve të fundit u drejtua nga Porche dhe Purvin në 2008 në mbështetje të marrëdhënieve gay në Massachusets. Porche dhe Purvin gjetën se proçesi dhe eksperienca e rritjes së fëmijëve rriste afërsinë mes çifteve gay, përmirësonte lidhjet e çifteve me familjet e tyre të origjinës dhe forconte lidhjet mes komunitetit të çifteve gay. Çiftet në studimin e Porche dhe Purvin legalizuan martesën e tyre në 2003-in kur Massachusetts ligjëroi martesat gay në mënyrë që të ofronte mbrojtje dhe legjitimitet për fëmijët e tyre. Çiftet gay e përjetuan martesën ligjore me një sens kritik të sigurisë, familjes dhe identitetit. 

Rishikimi i literaturës mbi familjet gay dhe martesat gay tregon se cilësia e marrëdhënieve ndërmjet prindërve nuk varet nga gjinia. Për me tepër, rishikimi i literaturës tregon gjithashtu nevojën për studime më të detajuara dhe gjithëpërfshirëse mbi llojet e familjeve. Studimet mbi qëndrimet përgjatë roleve gjinore kontribuojnë në zgjerimin e literaturës mbi qëndrimet ndaj martesave gay duke treguar se rëndësinë dhe ndikimin e qëndrimeve në lidhje me rolet gjinore familjare mbi martesat gay. Kontributi dhe zgjerimi i literaturës mbi rëndësinë e qëndrimeve përgjatë roleve gjinore familjare e lidhur me qëndrimet ndaj martesave gay siguron njohje dhe informacion për advokatët, aktivistët, edukuesit dhe bërësit e politikave mbi adresimin e nevojës dhe aktivitetet target e burimet mbi rolet gjinore të familjeve jo-tradicionale, sikurse cilësinë e marrëdhënieve në familjet jo-tradicionale. 

Bibliografi

Alderson, K. A. (2004). A phenomenological investigation of same-sex marriage. The Canadian Journal of Human Sexuality.

Avery, A., (2007). America‟s changing attitudes toward homosexuality, civil unions, and same- gender marriage: 1977-2004. Social Work.

Biblarz, T .J. & Stacey, J. (2010). How does the gender of parents matter? Journal of Marriage and Family.

Chan, R. W., Raboy, B., & Patterson, C. J. (1998). Psychosocial adjustment among children conceived via donor insemination by lesbian and heterosexual mothers. Child Development.

Gerson, K. (2010). The Unfinished Revolution: How a New Generation is Reshaping Family, Work, and Gender in America. New York, NY: Oxford University.

ETHET HOMOSEKSUALE

Kjo mё poshtё ёshtё njё letёr e hapur e “Queer Brigada” qё menduam tё ndajmё me ju:

Me reastin e publikimit tё shkrimit Ethet e Homoseksualitetit  (Homoseksualna groznica)  nё portalin “Vijesti”

(http://www.vijesti.me/kolumne/homoseksualna-groznica-kolumna-91999) 

 

Çfarё po ndodh me empatinё e tё diskriminuarve kundrejt tё diskriminuarve?

Nё vend qё tё jenё natyrshёm, logjikshёm dhe njёlloj tё pёrkushtuar ndaj minoriteteve tё kёrcёnuara tё shoqёrisё, duke i trajtuar problemet e tyre publikisht me tё njёjtёn vёmendje dhe respekt, disa gazetarё tё cilёt pretendojnё tё jenё viktima tё diskriminimit, gjejnё kohёn pёr tё marrё rolin e ekspertёve tё tё drejtave tё njeriut, tё sillen si njerёz me dije tё larta apo si gjyqtarё pёr tё vendosur se cilat lloje minoritetesh janё mё tё kёrcёnuara se tё tjerat.

Z. Milaçiç, supozimet tuaja janё false prej fillimit. Çdo njeri me pak arsim dhe edukim duhet tё dijё se homoseksual nuk bёhesh – ne lindim me orientimin tonё seksual dhe ёshtё diçka qё nuk mund tё ndryshohet.

Por meqё ju thoni se do tё donit tё ishit homoseksual… unё do tё doja tju prezantoja se çfarё duhet tё prisni nga shoqёria nё tёrёsi dhe nga rrethet tuaja tё afёrta e tё largёta. Nё shumё situata, njerёzit do tё donin t’ju gjuanin me grushta, tju pёrndiqnin, tju diskriminonin: prindёrit, vёllezёrit, motrat, fqinjёt, kalimtarёt, adoleshentёt dhe tifozat e futbollit tё mbushur me energji thjesht sepse nuk pёlqejnё ajo çka ju jeni. Ata do t’ju ofendonin, do t’ju thёrrisnin “p******t”, “homo” “etj, do tё shkruanin graffiti nёpёr murret e qytetit duke kёrkuar vdekjen tuaj dhe do ta thonin me zё tё lartё se ju nuk keni asnjё tё drejtё tё pohoni atё qё ju jeni.

Gjithashtu, do tё doja t’ju informoja se ju nuk do tё kishit mundёsi ti thonit kolegёve tuaj pёr orientimin tuaj seksual sepse do tё rrezikonit tё pushoheshit nga puna, direkt ose indirekt. Çka ju thoni se ju ka ndodhur, por pёr arsye krejt tё tjera. Nёse, rastёsisht, do ndodhte tё shkonit nё shkollё apo universitet, do ju duhej tё qёndronit i heshtur apo thjesht ta braktisnit shkollёn.

Nёse pёr shkak tё naivitetit apo kurajos tuaj, do tё raportonit dhunёn apo diskriminimin qё keni vuajtur nё ndonjё nga autoritetet kompetente, ju do tё pёrballeshit me talljet, thashethemet, arrogancёn e zyrёs sё Prokurorit apo stafit tё gjykatёs qё po ndjek rastin tuaj. Mund edhe t’ju ndodhte qё gjatё proçesit gjyqёsor tё merrnit kёrcёnime tё drejtpёrdrejta prej njerёzve qё ju keni akuzuar me gjyqtarin qё nuk reagon apo qё e mbyll seancёn thjesht sepse ju ishit vonuar me pak minuta.

Meqё do tё donit tё ishit homoseksual… Atёherё duhet t’ju them tё bёheni gati tё jetoni njё jetё ku do fshihni atё çka jeni, me frikёn se gjithçka ju keni do tё zhduket apo se jeta juaj do tё kthehet nё dramёn mё tё madhe nёse do tё shpёrndaheshin thashёtheme se ju jeni ai qё jeni. Duhet gjithashtu tё jeni gati tё lexoni apo dёgjoni, çdo ditё dhe nё formё tё pёrsёritur, se si njerёzit pёrdorin fjalime homofobike dhe tё urrejtjes dhe pohojnё se homoseksualёt nuk janё nё rrezik, por janё ata tё rrezikuar nga homoseksualёt. Por do keni edhe njerёz qё do t’ju kёrcёnojnё haptaz, diskriminojnё, abuzojnё, pёrulin pёr faktin e thjesht se ju jeni ndryshe nga ata.

Pёrgatituni edhe pёr faktin se do e keni tё ndaluar tё dashuroni. Plus nuk do keni mundёsinё tё ushtroni asnjё nga tё drejtat qё burojnё nga bashkёjetesa mё atё qё dashuroni. Bёhuni po ashtu gati, tё jeni nё lidhje me dikё dhe njё ditё tё bukur, gjithё pasuria qё ju tё dy keni akumuluar gjithё jetёn me punёn dhe sakrificёn tuaj, dhe qё mund tё jetё e rregjistruar nё emrin e njёrit prej jush, tju mohohet krejt nёse ai partner vdes, dhe ato ti kalojnё “familjes” sё tij, fyerjet dhe sharrjet e tё cilёve ju i keni pёrballur gjithё jetёn duke qenё se pёrpara ligjit familja ka tё drejtё tё trashёgojё pasurinё dhe ju nuk jeni askush. Imagjinoni gjithashtu tё jeni vetёm, nё mes tё katёr rrugёve, i moshuar dhe vetёm, pa asnjё pasuri dhe pa njeriun tё cilit dhatё gjithё jetёn tuaj, i cili ishte familja juaj.

Meqё ju besoni se romёt, egjiptjanёt, ashkalitё, punёtorёt, sindikalistёt, shumё prej tё “fyerve dhe ofenruarve” do tё donin tё ishin homoseksualё, mё duhet t’ju zhgёnjej sёrish. Ne jemi kudo, dhe natyrshёm jemi edhe mes tyre. Logjikisht, edhe ju duhet tё keni tё afёrm homoseksualё, miq, fqinj, kolegё, tё njohur. Ju jeni mes nesh çdo ditё nё rrugё, kafene, supermarkete, stacione autobuzёsh, aeroporte, ju notoni me ne nё det dhe merrni rreze dielli me ne… Por, ju thjesht nuk na shihni. Ёshtё sjellja juaj dhe homofobia juaj arsyeja pёrse ju nuk na shihni. Homofobia nuk ёshtё thjesht ftesё pёr tё vrarё njerёz, pёr tё rrahur apo ofenduar dikё. Homofobi ёshtё edhe tё shkruash njё artikull duke shpёrthyer nё intolerancё kundёr nesh.

Meqё keni shprehur dёshirёn pёr tё qenё homoseksual disa herё nёpёr faqet e shkrimit tuaj, ju jeni i lirё tё bёheni i tillё, pёrkundёr studimeve shkencore. Ajo qё unё di me siguri, ёshtё se ajo eksperiencё do t’ju ndriçojё dhe ju nuk do keni mё aftёsinё tё shkruani njё shkrim tё tillё. Sepse duke provuar homofobinё nё lёkurёn tuaj besoj se do t’ju vijё turp pёr tekstin qё keni shkruar.

Edhe pse tё jesh homoseksual nё Mal tё Zi sot, nёse e thua haptaz, mund tё tё shkaktojё nxirrje tё trupit, dhёmbё tё thyer, vuajtje dhe shtypje tё panumёrta, unё nuk do doja kurrё tё ndёrroja vendin tim me tuajin. Nuk do e doja as edhe pёr nevojat e njё teksti pompoz pёr tё cilin njerёzit do tё lexojnё se si unё do doja tё isha njё heteroseksual. Veçanёrisht jo njё heteroseksual si ju. Mё mirё tё duroj dikё si ju apo mё keq se ju, se sa tё pranohem nga mazhoranca teksa shtyp ata qё janё mё tё dobёt se unё.

Nёse ju nuk keni asnjё aftёsi pёr tё ndier simpati, pёr tu sjellё si njё njeri me dinjitet dhe pёr tё na mbёshtetur, do ju kёrkoja tё mos na shkaktonit shqetёsime tё tjera dhe tё hiqni dorё nga shkrimi pёr tema tё cilat, siç e vёrtetuat edhe nga ky tekst, nuk jeni mjaftueshёm i informuar.

P.S Nёse dёshironi tё jeni homoseksual, atёherё pёrgatituni tё mos e nёnshkruani kёtё shkrim me emrin tuaj sepse ai do tё jetё njё çmim shumё i lartё pёr tu paguar dhe do tё kishte pasoja tё paparashikushme pёr jetёn tuaj dhe pёr integritetin tuaj fizik dhe psikologjik.

Z. X. (Anёtar i grupit “Queer Brigada”, grup personash LGBT dhe miqve tё tyre nё Mal tё Zi)

BORN FREE AND EQUAL

Zyra e te Drejtave te Njeriut prane Kombeve te Bashkuara UNCHR sapo kane publikuar nje material te ri prej 60 faqesh mbi orientimin seksual dhe identitetin gjinor duke mare per baze principet e te Drejtes Nderkombetare.

Ky dokument i cili per momentin eshte i disponueshem vetem ne anglisht, nen titullin: "Born free and equal" (Te lindur te lire dhe te barabarte) rrjeshton pergjegjesite e shteteve perballe te drejtes nderkombetare, ne lidhje me detyrimet e tyre per te mbrojtur te drejtat e personave lesbike, gay, biseksuale, transgjinore etj.

Publikimi perqendrohet ne pese fusha ku shteteve u kerkohet nderhyrje e menjehershme: mbrojtja e njerezve nga dhuna homofobike, parandalimi i tortures, dekriminalizimi i homoseksualitetit, parandalimi i diskriminimit dhe mbrojtja e se drejtes shprehjes, mbledhjes dhe shoqerimit. 

Ky dokument eshte nje burim i mire studimi per te gjitha institucionet shqiptare qe kane pergjegjesi specifike ne mbrojtje te te drejtave te njeriut ne vend, organizatave jo-qeveritare, aktivisteve dhe qytetareve.

Klikoni te ky link per te lexuar materialin dhe per ta shtuar ne librarine tuaj personale: http://www.ohchr.org/Documents/Publications/BornFreeAndEqualLowRes.pdf

Lexim te kendshem :) 

Zhvillohet me sukses Shkolla Verore PINK

Ambasada PINK/LGBT Pro Shqipёri zhvilloi pёr herё tё parё kёtё vit, shkollёn verore PINK, si njё program edukues dhe argёtues me qёllim rritjen e dijeve tё aktivistёve dhe mbёshtetёsve tё kauzёs LGBT si dhe forcimin e bashkёpunimit dhe solidaritetit mes tyre.

Pёr katёr ditё rrjesht, nё datat 9-12 Shtator, grupi prej trembёdhjetё aktivistёsh u vendosёn nё kampin veror Jalё, nё rivierёn e jugut. Nё kёtё mjedis veror u gёrshetuan orёt e leksioneve me aktivitetet sportive, plazhin dhe shёtitjet nё kёrkim tё vendeve mё tё bukura tё zonёs.  

Leksionet dhe orёt e trajnimit u realizuan falё mbёshtetjes tё njё grupi ekspertёsh kombёtarё dhe ndёrkombёtarё tё cilёt jo vetёm ndanё dijet dhe ekspertizёn e tyre por mbuluan edhe kostot personale duke e lehtёsuar sadopak peshёn e grupit tonё. Mё konkretisht, Amarda Çoku, Eksperte Ligjore pranё Zyrёs sё Komisionerit pёr Mbrojtjen nga Diskriminimi zhvilloi njё leksion pёr ligjin kundёr diskriminimit. Susanne te Braak nga COC Hollandё ndau me aktivistёt eksperiencёn e punёs sё saj me tё rinjtё LGBT nё shkollat e vendit tё saj. Jay Porter, Atashe Politik pranё Ambasadёs sё SHBA-ve, ofroi njё trajnim mbi aktivizmin dhe mobilizimin e komunitetit pёr çёshtje sociale si edhe prezantoi njё historik shumё tё veçantё tё lёvizjes LGBT nё vendin e tij. Altin Hazizaj, Ambasador i Parё i PINK LGBT Pro Shqipёri zhvilloi njё trajnim mbi konceptet LGBT dhe paragjykimet qё shoqёrojnё kёtё grup social. Nё fund, Emira Shkurti, Menaxhere Projektesh dhe eksperte e çёshtjeve gjinore pranё UNDP nё Shqipёri ofroi njё trajnim nё lidhje me ngjashmёritё midis lёvizjes feministe dhe lёvijzes LGBT.

Njё nga karakteristikat e grupit tё aktivistёve ishte shummёllojshmёria e profileve, eksperiencave dhe kёndvёshtrimeve. Ndёr tё tjerё, nё grup kishtё njё aktivist nga Prishtina si edhe njё aktiviste nga komuniteti i personave transgjinorё nё Shqipёri. Perspektiva e tyre nё debat si edhe opinionet e aktivistёve dhe vullnetarёve tё tjerё pasuruan diskursin dhe e bёnё atё mё interesant. Ndёrkohё, leksionet dhe trajnimet nuk zhvilloheshin thjesht si njё dhёnie informacioni por ndёrthureshin me pyetje dhe komente si edhe me pёrfshirje nё grupe pune dhe angazhim individual.

Njё tjetёr element shumё interesant i shkollёs ishte bashkё-organizimi i aktivitetit me njё grup tё rinjsh tё angazhuar nё shoqёrinё civile dhe parti tё ndryshme politike. Disa nga trajnimet dhe njё pjesё e mirё e aktiviteteve sociale u zhvilluan bashkarisht. Kjo nё fakt rezultoi tё ishte njё eksperiencё shumё interesante pёr tё dyja grupimet. Njё nga stereotipet kryesore tё shoqёrisё sonё lidhet me “padukshmёrinё” ose mosnjohjen e personave LGBT. Pёr arsye qё janё tё kuptueshme, shumё shpesh personat LGBT e kanё tё vёshtirё tё pranojnё orientimin e tyre seksual pranё rretheve tё tyre shoqёrore. Por nё kontekstin e shkollёs, kjo rezultoi nё njё kёmbim tё vyer eksperiencash dhe mendimesh. Shumё shpesh gjatё kohёs sё lirё pjesёmarrёs nga tё dy grupet pёrfshiheshin nё diskutime interesante ku arrinin edhe tё ndanin pёrshtypjet e tyre mbi orientimin seksual apo tё mёsonin mё shumё prej dёshmive tё aktivistёve LGBT. Kjo ishte shumё inkurajuese edhe pёr grupin e PINK, duke qenё se njё nga qёllimet tona kryesore ka qenё dhe mbetet informimi i shoqёrisё pёr realitetin LGBT dhe pёr rritjen e mirёkuptimit dhe tolerancёs.

Si eksperiencё e parё, kjo shkollё verore na mёsoi se dijet teorike, puna nё grup dhe zhvillimi i profileve personale janё mё tё suksesshme kur kombinohen me dёshmi reale, me aktivitete tё thjeshta dhe çlodhёse njerёzore, ku tё gjithё kemi mundёsi tё jemi pak mё shumё vetvetja dhe mё tё çliruar nga komplekset e jetёs sё pёrditshme apo aktivizmit shpesh tё ashpёr social dhe politik.

Nё fund tё trajnimit aktivistёt u pajisёn mё çertifikata.

Ambasada PINK/LGBT Pro Shqipёri falenderon tё gjithё ekspertёt qё ofruan mbёshtetjen e tyre tё jashtёzakonshme dhe tё gjithё aktivistёt dhe vullnetarёt LGBT pёr kёtё eksperiencё tё paharrueshme.

Emigrantët LGBTQ në Bologna

Grupi MIGRABÒ LGBTQI, është krijuar në Bolonja në vitin 2012 me qëllimin për të ndihmuar dhe asistuar personat LGBTQI (lezbike, gay, biseksualë, transeksualë, transgender, queer dhe interseksualë) të emigruar në Itali nga çdo vend i botës. Ndihma konsiston në asistencën gjatë proçesit të integrimit në vendin tonë dhe në botën LGBTQI.

Grupi përbehet nga një rrjet shoqatash që veprojnë në Bolonja dhe rrethe mbi tematikat e gjinisë dhe emigrimit.
 
Një shërbim thelbësor që ofron ky grup është dhe asistenca për plotësimin e kërkesës për azil në vendin tonë.
 
Të gjitha shërbimet e ofruara nga grupi MIGRABÒ LGBTQI janë falas dhe gjithashtu ju garantojm anonimitetiën tuaj.

Mund të na shkruani në adresën e e-mailit të mëposhtme:

migrabolgbt@gmail.com

Rekomandim pёr Qeverinё shqiptare lidhur me takimin e Kёshillit tё Ministrave tё Kёshillit tё Europёs, tё datёs 18 Shtator 2012.

6 Shtator 2012

Drejtuar:                     Z. Spiro Ksera,

Ministёr i Punёs, Çёshtjeve Sociale dhe Shanseve tё Barabrata

Pёr dijeni:                   Znj Filloreta Kodra

                                    Zv. Ministre e Punёs, Çёshtjeve Sociale dhe Shanseve tё Barabrata

I nderuar Z. Ksera

Nё datёn 18 Shtator, Kёshilli i Ministrave tё Kёshillit tё Europёs do tё zhvillojё njё takim pune pёr tё drejtat e personave LGBT.

Duke patur parasysh punёn e bёrё nga qeveria shqiptare dhe Ministria e Punёs, Çёshtjeve Sociale dhe Shanseve tё Barabarta pёr ngritjen e grupit tё punёs, planit tё masave dhe tashmё nisjen e pёrpjekjeve pёr adoptimin e buxhetit tё tij, si dhe pёrkushtimin tuaj profesional dhe njerёzor nё garantimin e tё drejtave tё kёtij komuniteti nё vend, ne po ju drejtojmё kёtё letёr pёr t’ju kёrkuar qё Shqipёria tё mbajё njё pozicion sa mё tё vendosur nё mёnyrё qё Kёshilli i Europёs tё vendosё nё dispozicion tё shteteve anёtare burimet e duhura pёr implementimin dhe monitorimin e tё drejtave tё personave LGBT.

Gjatё kёtyre viteve tё fundit, standartet e Kёshillit tё Europёs nё lidhje me orientimin seksual dhe identitetin gjinor janё pёrmirёsuar ndjeshёm, sidomos falё disa gjykimeve shumё domethёnёse tё bёra nga Gjykata Europiane e tё Drejtave tё Njeriut dhe adoptimin nga Kёshilli i Ministrave tё KE-sё tё Rekomandimit nё luftёn kundёr diskriminimit mbi baza tё orientimit seksual dhe identitetit gjinor.

Gjithsesi progresi i bёrё nё krijimin e kёtyre standarteve nuk ёshtё pasuar nga ngritja e burimeve qё do tё mbёshtesnin monitorimin e implementimit tё tyre nga shtetet anёtare. I vetmi zhvillim ёshtё ngritja e njё seksioni LGBT i cili asiston njё numёr tё vogёl shtetesh, ku pёrfshihet edhe vendi ynё, por qё financohet nga njё grup shumё i vogёl shtetesh.

Raporti i vitit 2011 i Komisionerit pёr tё Drejtat e Njeriut, “Diskriminimi mbi baza tё orientimit seksual dhe identitetit gjinor nё Europё” nuk le asnjё dyshim pёr nevojёn e marrjes sё njё aksioni tё fortё nё luftёn kundёr diskriminimit. Qё atёherё, zhvillime negative nё disa shtete anёtare janё bёrё shqetёsuese. Veçojmё kёtu ligje tё cilat cёnojnё tё drejtёn e shprehjes dhe mbledhjes. Nё Maj 2012 Kёshilli i Europёs bёri njё deklaratё tё fortё ku dёnonte kёto hapa prapa nё avancimin e tё drejtave LGBT.

Pёr sa mё sipёr, ne i kёrkojmё qeverisё shqiptare tё ndёrhyjё nё debatin e Kёshillit tё Ministrave duke propozuar dhe mbёshtetur hapat e mёposhtёm:

·         Miratimi i njё deklarate ku tё ri-theksohet vendosmёria e Kёshillit tё Europёs, shteteve anёtare dhe institucioneve pёr respektimin e tё drejtave tё personave LGBT, gёzimin e plotё tё tyre si dhe zhvillimin e njё politike anti-diskriminim mbi baza tё orientimit seksual dhe identitetit gjinor; deklarata duhet tё theksojё se kjo nuk ёshtё çёshtje tё drejtash “speciale” por tё drejtash tё njeriut, tё cilat duhet tё gёzohen njёsoj nga tё gjithё.

·      Zhvillimi i njё rishikimi sa mё efektiv tё Rekomandimeve tё vitit 2011, i cili do tё kryhet nga Kёshilli i Ministrave nё pranverёn e vitit 2013.

·    Fuqizimi i sektorit LGBT nё Sekretariat pёr tё siguruar njё personel tё plotё dhe burimet e duhura financiare nё mёnyrё qё tё rritet efiçeca e saj si dhe tё implementohen sa mё shpejt standartet e rekomanduara.

·      Sigurimi i burimeve financiare pёr Komisionin Europian kundёr Racizmit dhe Intolerancёs nё mёnyrё qё ajo tё monitorojё me efektivitet implementimin e standarteve nё respektim tё tё drejtave tё njeriut.

·      Kёshilli i Europёs mund tё pёrfshijё nё metodologjinё e vёzhgimeve tё saj njё studim i cili ёshtё duke u zhvilluar online nga Agjencia e tё Drejtave tё Njeriut tё Bashkimit Europian (EU Fundamental Rights Agency) njё hap me kosto to ulёt dhe qё ёshtё praktikuar tashmё nga vendet anёtare tё BE-sё. Kjo praktikё mundet tё aplikohet edhe nё vendet e KiE-sё qё nuk janё anёtare tё BE.

Ne besojmё se adoptimi i masave tё mёsipёrme do tё sillte njё pёrmirёsim tё ndjeshёm nё adresimin e çёshtjeve tё ngritura nga Komisioneri pёr tё Drejtat e Njeriut nё KiE.

Gjithashtu ёshtё shumё e rёndёsishme qё vetё KiE tё adoptojё masat tё cilat rekomandon. Mosmarrja e masave tё duhura do e vendoste KiE-nё pёrballё kritikёs se po pranon heshtur diskriminimin qё bёhet ndaj personave LGBT nё vendet anёtare.

Ne besojmё se dedikimi juaj i deritanishёm nё avancimin e kёsaj kauze tё tё drejtave tё njeriut do  tё reflektohet edhe nё pёrpjekjet tuaja nё tё ardhmen.

Ambasada PINK/LGBT Pro Shqipёri

Pёrfaqёsues tё Ambasadёs PINK takohen me Komisionerin Nils Muiznieks

Ditёn e Martё, 4 Shtator pёrfaqёsues tё Ambasadёs PINK/LGBT Pro Shqipёri zhvilluan nё Tiranё njё takim konsultues me Komisionerin pёr tё Drejtat e Njeriut tё Kёshillit tё Europёs, Z. Nils Muiznieks.

I zgjedhur nё kёtё post nё Prill tё kёtij viti, Z. Muiznieks ёshtё duke kryer njё vizitё pune nё Shqipёri ku ndёr tё tjera do tё takohet edhe me pёrfaqёsuesit mё tё lartё tё shtetit, institucioneve tё ndryshme dhe tё organizatave tё shoqёrisё civile pёr tё diskutuar mё nga afёr Raportin Special tё Komisionerit pёr tё Drejtat e Njeriut, i publikuar me 22 Shkurt 2011.

Nё kёtё kuadёr, gjatё takimit me PINK/LGBT Pro Shqipёri, Komisioneri u interesua pёr performancёn e zyrёs sё Komisionerit pёr Mbrojtjen kundёr Diskriminimit, Avokatit tё Popullit dhe pёr performancёn e qeverisё dhe institucioneve shqiptare ndaj komunitetit LGBT si edhe pёr tё mёsuar mё tepёr pёr problemet, shqetёsimet dhe temat kryesore qё kanё tё bёjnё me kёtё komunitet nё vend.

Nё komentet e tyre, pёrfaqёsuesit e Ambasadёs PINK/LGBT Pro Shqipёri evidentuan ato qё mund tё quhen hapa pozitivё drejt rritjes sё ndёrgjegjёsimit dhe sensibilizimit tё opinionit publik dhe institucioneve ndaj çёshtjeve qё shqetёsojnё komunitetin LGBT, performancёn e pёrmirёsuar tё shumё institucioneve qё punojnё edhe pёr kёtё kauzё ashtu siç vunё theksin te disa nga problemet mё kryesore tё cilat Komisioneri kishte interes ti njihte. Ndёr to, u evidentua fenomeni shqetёsues i fjalimeve tё urrjejtjes dhe komenteve tё pakontrolluara homofobike nga pёrfaqёsues tё lartё tё shtetit tek ato tё blogosferёs. Po ashtu u vu theksi tek mungesa e materialeve kёrkimore dhe punёs qё duhet bёrё nё kёtё kuadёr nga institucionet pёr tё njohur problemet dhe nevojat e komunitetit LGBT nё çdo mjedis, shkolla, punё, etj dhe pёr tё ofruar zgjidhje konkrete pёr pёrmirёsimin e gjendjes sё tyre e pёr tё vijuar me efektivitetin e ligjit anti-diskriminim, pёr njohjen e tij nga komuniteti dhe pёr vёnien nё jetё tё sanksioneve qё parashikohen prej tij.

Ambasada PINK/LGBT Pro Shqipёri dёshiron ti urojё suksese Komisionerit Muiznieks dhe uron pёr njё bashkёpunim sa mё tё frutshёm pёr avancimin e tё drejtave LGBT nё Shqipёri.

Edhe pak ditё nga Shkolla Verore PINK

Nё datat 9-12 Shtator, do tё zhvillohet pёr herё tё parё Shkolla Verore PINK, njё program informues, pёrgatitёs dhe argёtues pёr vullnetarё, aktivistё dhe anёtarё tё komunitetit LGBT. Me destinacion njё nga kampet mё tё bukura verore tё rivieres sё jugut, dhe vetёm pak javё pёrpara pёrfundimit tё verёs, PINK do tё presё aktivistё dhe vullnetarё nga Shqipёria, Maqedonia dhe Kosova pёr tё trajuar sё bashku njё sёrё tёmatikash tё rёndёsishme.

Tё drejtat e njeriut, dhuna, diskriminimi, problemet familjare, mbrojtja ligjore, politikat vendase dhe tё huaja, lёvizjet e mёdha sociale, aktivizmi i tё rinjve nё Europe etj, janё disa nga temat qё do trajtohen nё shkollё. Kёto do tё kombinohen me njё program shumё tё pasur sportiv dhe social i cili do tё ofrojё edukim, interaktivitet dhe argёtim.

Kjo shkollё do tё ketё mbёshtetjen e disa prej ekspertёve mё tё mirё kombёtarё dhe ndёrkombёtarё nga zyrat e Komisionerit pёr Mbrojtjen nga Diskriminimi, Avokatit tё Popullit, UNDP nё Tiranё, Ambasadёs sё SHBA-ve nё Tiranё, COC Hollandё dhe CRCA Shqipёri. Ambasada PINK gjen sёrish rastin pёr ti falenderuar tё gjithё ekspertёt tё cilёt do tё ndajne dijet e tyre me aktivistёt. 

Kjo shkollë do jetë një eksperiencë fantastike për pjesmarrësit për të ndërtuar kontakte, për tu shoqërizuar dhe të ndajnë eksperienca me bashkёmoshatarët dhe trajnerët. 

--- --- ---

 

A few more days from PINK Summer School

On the dates 9 until 12th September, will take place for the first time PINK Summer School, an informative, educational and recreational program with volunteers, activists and members of the LGBT community. With one of the most beautiful camps of the Albanian southern riviera, and a few weeks before the end of summer, PINK will welcome students and activists from Albania, Macedonia and Kosovo to tackle together a series of important topics.

Human rights, discrimination, violence, family problems, legal protection, local and international policies, social movements, youth eactivism etc will be some of the topics to be treated in the school. This will be combined with a rich sports and recreational program which will ofer interactivity and entertainment.

This school will have the support from some of the best national and international experts from the offices of the Commissioner against Discrimination, the Ombudsman, UNDP Albania, US Embassy in Tirana, COC Netherlands and CRCA Albania. PINK Embassy once more wants to thank all of them for being willing to share their knowledge and expertise with the acitivists.

This school will be a fantastic experience for participants to build contacts, to socialise and share their experience.

Njё Çmim Special pёr njё Mik tё Shqipёrisё dhe komunitetit LGBT

Fjala e z. Altin Hazizaj- Ambasadori i parë i Ambasadës PINK 

Tiranё, 31 Korrik 2012 - Ambasada PINK/LGBT Pro Shqipёri ka nderin dhe kёnaqёsinё e veçantё qё sot t’i prezantojё njё miku tё mirё tё Shqipёrisё dhe mbase mikut mё tё rёndёsishёm tё komunitetit LGBT nё Shqipёri, shkёlqesisё sё tij, Z. Henk van den Dool, Ambasador i Mbretёrisё sё Vendeve tё Ulёta nё Shqipёri, njё çmim tё veçantё, pёrmes tё cilit e falenderon publikisht pёr mbёshtetjen e vazhdueshme qё i ka dhёnё, gjatё viteve tё misionit tё tij nё Shqipёri, avancimit tё kauzёs LGBT.

 

Lёvizja LGBT nё Shqipёri ka protagonistёt e saj vendas, pa tё cilёt nuk do tё kishte mundur kurrё tё merrte formёn dhe pёrmasat qё ajo ka sot. Por, mbёshtetja e njё miku, si Ambasadori Henk Van den Dool, ёshtё  po kaq thelbёsore nё rritjen e organizatёs sonё, e cila sot krenohet pёr rezultatet e saj nё mbёshtetje tё komunitetit LGBT.

Mbretёria e Hollandёs dhe Qeveria e saj, nёpёrmjet Ambasadorit Van den Dool kanё treguar se pёrkushtimi dhe ndihmesa e tyre, nё funksion tё lёvizjes LGBT, vjen pas dekadash tё tёra tё mbёshtetjes sё respektit tё tё drejtave tё njeriut, tolerancёs dhe diversitetit nё vendin e tyre. 

Kjo traditё e gjatё, na bёn krenarё, pasi kemi patur mundёsinё tё pёrballim realitetin tonё shpesh tё brishtё dhe tё mёsojmё nga kjo eksperiencё e vyer.

Ambasadori Van den Dool ka treguar mё shumё se njё herё besimin dhe mbёshtetjen e tij maksimal pёr kauzёn LGBT nё Shqipёri, si njё kauzё e tё drejtave tё njeriut. Pёrballja e tij nё evente publike, debate politike apo sociale mbi pranimin e komunitetit LGBT dhe sjellja e argumentave bindёs, realё dhe konkretё e mbёshtesin edhe mё tej kёtё fakt.

Ndaj nё kuadёr tё vlerёsimit tё tё gjithё kёsaj pёrpjekje dhe mbёshtetjes qё Ambasadori Henk van den Dol i ka dhёnё Shqipёrisё, e ndёr tё tjera komunitetit LGBT, ёshtё kёnaqёsi pёr mua qё sot qё t’i jap atij njё dhuratё modeste pёr ta marrё me vete nga Shqipёria.

I nderuar Zoti Ambasador,

I dashur Henk,

Nё shenjё tё mirёnjohjes dhe falenderimit mё tё sinqertё nga ana e Ambasadёs PINK, mё lejoni qё t’ju paraqes dhe vlerёsoj me kёtё Çmim Special.

Ky çmim ju vjen nё emёr tё tё gjithё vajzave dhe djemve tё Ambasadёs PINK, tё komunitetit LGBT qё ju keni mbёshtetur pa asnjё ekuivok, dhe tё gjithё qytetarёve nga i gjithё vendi, qё kanё parё tek ju njё zё tё arsyes, urtёsisё dhe mençurisё.

Ju faleminderit pёr mbёshtetjen tuaj dhe mё lejoni t’ju uroj suksese tё mёtejshme nё detyrёn e re. Kёtё çmim dhe dhuratё modeste, ne duam qё ju t’a pёrdorni me krenari kudo ku tё jeni nё detyrё, pёr tё treguar se askush nuk duhet tё paragjykohet apo edhe me keq diskriminohet, vetёm sepse dashuron apo se ёshtё i ndryshёm.

JU FALEMINDERIT!

Çmim Special pёr Ambasadorin Hollandez Henk van den Dool

NJOFTIM PЁR SHTYP

Çmim Special pёr Ambasadorin Hollandez Henk van den Dool

Tiranё, 31 Korrik 2012 - Ambasada PINK/LGBT Pro Shqipёri vlerësoi sot Z. Henk van den Dool, Ambasador i Mbretёrisё sё Vendeve tё Ulёta nё Shqipёri, me njё çmim tё veçantё, pёrmes tё cilit e falenderoi publikisht pёr mbёshtetjen e vazhdueshme qё i ka dhёnё, gjatё viteve tё misionit tё tij nё Shqipёri, avancimit tё kauzёs LGBT.

Lёvizja LGBT nё Shqipёri ka protagonistёt e saj vendas, pa tё cilёt nuk do tё kishte mundur kurrё tё merrte formёn dhe pёrmasat qё ka sot. Por, mbёshtetja e njё miku, si Ambasadori Henk Van den Dool, ёshtё  po kaq thelbёsore nё rritjen e organizatёs, e cila sot krenohet pёr rezultatet e saj nё mbёshtetje tё komunitetit LGBT.

Mbretёria e Hollandёs dhe Qeveria e saj, nёpёrmjet Ambasadorit Van den Dool kanё treguar se pёrkushtimi dhe ndihmesa e tyre, nё funksion tё lёvizjes LGBT, vjen pas dekadash tё tёra tё mbёshtetjes sё respektit tё tё drejtave tё njeriut, tolerancёs dhe diversitetit nё vendin e tyre. Kjo traditё e gjatё, na bёn krenarё, pasi kemi patur mundёsinё tё pёrballim realitetin tonё shpesh tё brishtё dhe tё mёsojmё nga kjo eksperiencё e vyer.

Ambasadori Van den Dool ka treguar mё shumё se njё herё besimin dhe mbёshtetjen e tij maksimale pёr kauzёn LGBT nё Shqipёri, si njё kauzё e tё drejtave tё njeriut. Pёrballja e tij nё evente publike, debate politike apo sociale mbi pranimin e komunitetit LGBT dhe sjellja e argumentave bindёs, realё dhe konkretё e mbёshtesin edhe mё tej kёtё fakt.

Ndaj nё kuadёr tё vlerёsimit tё tё gjithё kёsaj pёrpjekje dhe mbёshtetjes qё Ambasadori Henk van den Dool i ka dhёnё Shqipёrisё, e ndёr tё tjera komunitetit LGBT, Ambasada PINK/LGBT PRO Shqipëri e vlerësoi sot me një cmim special si njё dhuratё modeste pёr ta marrё me vete nga Shqipёria.