15 Shkurt 2013 - Ambasada PINK/LGBT Pro Shqipёri ka dorёzuar
sё fundmi pranё zyrёs sё Avokatit tё Popullit propozime pёr disa ndryshime nё
Kodin Penal tё Republikёs sё Shqipёrisё. Kёto propozime synojnё tё sjellin disa
ndryshime specifike nё lidhje me vepra penale tё kryera ndaj personave tё
komunitetit LGBT.
Dokumenti, i paraqitur nga Ambasada PINK vё theksin tek
disa nga problemet kyçe qё prekin komunitetin LGBT sot nё Shqipёri, tё tilla si
krimet e urrejtjes, nxitja e urrejtjes dhe gjuha e urrejtjes nё mediat sociale.
Duke i identifikuar si shumё tё domosdoshme, Ambasada PINK
ka propozuar qё nё motivet e kryerjes sё njё vepre penale (neni 50) pёrkrah
gjinisё, racёs, ngjyrёs dhe etinsё tё shtohen edhe identiteti gjinor dhe
orientimi seksual. Pёrkrah kёtij ndryshimi ёshtё propozuar qё tё bёhen shtesa edhe
nё lidhje me me nxitjen e urrejtjes dhe thirrjeve pёr urrejtje nacionale (nenet
265 dhe 266) nё tё cilat tё parashikohen si tё dёnueshme edhe ato qё bёhen pёr
shkak tё orientimi seksual apo identitetit gjinor tё njё individi apo grupi
individёsh.
Mё tej, njё ndryshim shumё i rёndёsishёm i cili do mund tё
adrresojё fyerjen dhe fjalimet e urrejtjes nё mediat sociale ёshtё ai i Nenit
119/b nё tё cilin parashikohen ndёshkime pёr fyerjen e qёllimshme publike,
nёpёrmjet sistemit kompjuterik qё i bёhet njё personi pёr shkak tё pёrkatёsisё
etnike, kombёsisё, racёs apo fesё ku tё pёrfshijё edhe orientimin seksual dhe
identitetin gjinor.
Ambasada PINK/LGBT Pro Shqipёri i konsideron ndryshimet e
propozuara mё sipёr tё njё vlere dhe rёndёsie tё veçantё pёr mbrojtjen dhe
avancimin e tё drejtave tё komunitetit LGBT nё vend. Fjalimet e urrejtjes nё
mediat sociale, nxitja e urrejtjes kombёtare kundёr kёtij komuniteti si dhe
krimet e urrejtjes tё motivuara nga orientimi seksual dhe identitei gjinor janё
njё realitet nё Shqipёri, dhe kjo kёrkon qё ligji shqiptar tё marrё masat e
duhura pёr mbrojtjen e tё gjithё qytetarёve qё i pёrkasin kёtij komuniteti.
No comments:
Post a Comment