“Strehёza LGBT” gati pёr komunitetin

16 Janar 2012 – E pagёzuar me emrin “Strehёza e Ylberit”, ёshtё tashmё gati Qendra e Parё e Emergjencёs vёnё nё dispozicion tё komunitetit LGBT nё Shqipёri. Ky projekt, i mundёsuar nga bashkёpunimi i Ambasadёs PINK me Fondacionin Planet Romeo, i mundёson komunitetit LGBT strehim dhe mbrojtje nё momentet mё tё vёshtira apo ekstreme tё jetёs, sidomos pёr ato vajza dhe djem tё cilёt janё nё proçesin “coming out”, (tё pranimit tё identitetit tё seksual tek miqtё, familjarёt ose kolegёt).

Planet Romeo Foundation - Mbeshtetesit e Strehezes LGBT

Pamjet fotografike tё Qendrёs, vendndodhja e tё cilёs nuk do tё bёhet publike pёr arёsye sigurie, na paraqesin njё mjedis tё ngrohtё dhe familjar. Puna disa javore pёr kёrkimin e vendit mё tё pёrshtatshёm nga ana e stafit tё PINK ka dhёnё tashmё frutet e veta.

“Strehёza e Ylberit” do tё jetё e hapur vetёm pёr personat qё kanё mbushur moshёn 18 vjeç, ndёrsa pёr tё gjithё personat nёn kёtё moshё, strehimi i tyre do tё bёhet nё strehёzat pёr mbrojtjen e fёmijёve dhe adoleshentёve.

Prej kohёsh Ambasada PINK ka shprehur shqetёsimin pёr rastet kur prindёrit apo tё afёrmit e komunitetit LGBT kanё reaguar ashpёr pasi kanё mёsuar orientimin seksual tё fёmijёve tё tyre, duke arritur deri nё rrahjen apo dёbimin e tyre. Nё mjaft raste, pas njё periudhe reflektimi dhe komunikimi, prindёrit janё ri-bashkuar me fёmijёt e tyre, duke nisur kёshtu fazёn e njohjes dhe pranimit tё identitetit tё tyre seksual. Duke patur parasysh kёtё moment tё rёndёsishёm dhe delikat nё jetёn e vajzave dhe djemve tё komunitetit, vullneti i Ambasadёs PINK ёshtё qё nё kёtё periudhe tranzitore, t’i asistojё anёtarёt e komunitetit tё vendosur nё strehёz, duke i ndihmuar ata nё komunikimin me tё afёrmit e tё dashurit e tyre, si dhe pёr njё pjesё tё tyre ndihmёn nё drejtim tё mёsimit tё njё profesioni.

Pamje nga mjediset akomoduese te qendres

“Strehёza e Ylberit” do tё funksionojё, duke u mbёshtetur nё rregulla dhe parime etike, nё mёnyrё qё bashkёjetesa, sado e shkurtёr e anёtarёve tё ndryshёm tё komunitetit, tё jetё e qetё dhe nё ndihmё tё kauzёs sonё tё pёrbashkёt.

Pёr Ambasadёn PINK, ky ёshtё njё moment i rёndёsishёm nё drejtim tё avancimit dhe mbrojtjes tё tё drejtave tё komunitetit LGBT, duke u siguruar qё pavarёsisht rrethanave tё jetёs, asnjё anёtar i saj tё mos vuajё, dhunohet apo dёmtohet nga largimi prej gjirit tё familjes.

Si pёrfundim, gjatё kёtyre ditёve Ambasada PINK ёshtё nё proçes rekrutimi tё njё personi i cili do tё jetё pёrgjegjёs pёr menaxhimin e qendrёs. Personat e interesuar mund tё na shkruajnё nё adresёn: communitypink@gmail.com ose info@pinkembassy.al