Forumi Mysliman Shqiptar kёrkon kthimin e Shqipёrisё nёn diktaturёn komuniste!

Tiranё, 9 Prill 2013 - Ambasada PINK / LGBT Pro Shqipёri ka mёsuar me keqardhje pёr letrёn e hapur tё Forumit Mysliman Shqiptar drejtuar Ministrit tё Drejtёsisё Z. Eduard Halimi, ku kёrkohet kriminalizimi i homoseksualitetit dhe dёnohet puna e institucioneve tё pavarura kushtetuese, ashtu siç ёshtё Avokati i Popullit apo edhe institucioneve tё tjera nё mbrojtje tё tё drejtave tё njeriut nё emёr tё dogmave fetare dhe me pretendimin absurd se ky ёshtё vullneti i pjesёs mё tё madhe tё popullsisё.

Kjo letёr, pavarёsisht se nuk pёrbёn herёn e parё qё ky Forum diskriminon hapur tё drejtat LGBT dhe lufton kundёr tyre, ёshtё gjithsesi shqetёsuese sepse ajo tregon qёndrimin e pandryshueshёm tё dogmёs ndaj çёshtjeve tё orientimit seksual dhe identitetit gjinor, pavarёsisht fakteve tё shumta shkencore, sociale dhe kulturore qё vёrtetojnё se orientimet seksuale hetero, homo dhe bi-seksuale ashtu si edhe identitetet gjinore trans kanё bashkё-ekzistuar me njeriun nё çdo periudhё e nё çdo epokё.  

Ky qёndrim, tё cilin Forumi Mysliman Shqiptar pretendon se e mban nё emёr tё tё gjithё komuniteteve fetare, nё fakt ёshtё unik vetёm i kёtij Forumi, e cila ёshtё pёrgjegjёse edhe pёr protestat e realizuara nё 17 Maj 2012 kundёr komunitetit LGBT dhe tё disa faqeve dhe grupeve me mesazhe dhune dhe urrejtje ndaj komunitetit LGBT nё Facebook dhe faqe tё tjera. Edhe pse komunitete tё tjera fetare nuk janё shprehur asnjёherё pro çёshtjeve LGBT apo atyre tё minoriteteve seksuale ato nuk kanё qenё asnjёherё nxitёse tё urrejtjes dhe diskriminimit e aq mё pak tё kriminalizimit tё qindra-mijёra qytetarёve shqiptarё.

Ky grupim nuk mund tё pretendojё tё pёrfaqёsojё tё gjithё myslimanёt e Shqipёrisё e aq mё pak tё gjitha komunitetet fetare dhe opinionin publik nё Shqipёri. Ky grup nuk mund tё pretendojё as tё pёrfaqёsojё ata qindra persona LGBT myslimanё, apo tё besimeve tё tjera, tё cilёt shumё shpesh, pёr shkak tё kёtyre qёndrimeve absurde dhe tё pashoqe e gjejnё veten tё mbёrthyer nё dilema dhe nёn presion social qё ve nё pikёpyetje besimin e tyre dhe i detyron tё mohojnё ekzistencёn dhe ndjenjat e tyre nё kёmbim tё njё jete hipokrite dhe tё mbushur me gёnjeshtra.

Ёshtё pёr tё ardhur keq qё Forumi Mysliman Shqiptar evokon periudhёn mё tё errёt tё historisё sё Shqipёrisё, atё tё diktaturёs komuniste, njё kohё gjatё tё cilёs si komuniteti LGBT, ashtu edhe komunitetet fetare, si edhe çdo formё tjetёr komuniteti ishin tё ndaluara rreptёsisht tё ekzistonin apo ushtronin veprimtarinё e tyre me ligj.  

Kodi Penal i vitit 1976, i Republikёs Popullore Socialiste tё Shqipёrisё ndёshkonte si shprehjen e lirisё fetare tё qytetarёve po aq edhe komunitetin LGBT. Kjo ёshtё periudha gjatё tё cilёs ndёrgjegja e njё populli tё tёrё u manipulua nё atё formё qё edhe sot nuk po gjen vetveten. Mbi 10,000 qyetarё shqiptarё konsiderohen tё vrarё dhe tё zhdukur nga dhuna e diktaturёs komuniste! A ёshtё kjo e ardhmja e Shqipёrisё qё propozon Forumi Musliman?

Nё shoqёritё demokratike shprehja e identitetit personal tё njё qytetari, qoftё kjo mbi tё drejtat e tij politike, fetare apo seksuale ёshtё e rёndёsisё primare pёr funksionimin e shёndetshёm tё shoqёrisё.

Ambasada PINK / LGBT Pro Shqipёri i kёrkon myslymanёve tё thjeshtё, qё tё lexojnё dёshmitё dhe historitё e atyre qindra personazheve tё historisё njerёzore nga lindja e largёt deri nё perёndim, studimet shkencore dhe serioze tё shkruara mbi komunitetin, pёr tё kuptuar se personat LGBT, kanё ekzistuar dhe do vazhdojnё tё ekzistojnё nё kёtё botё pavarёsisht vullnetit tё çdo insitutcioni fetar pёr tё imponuar dogma dhe rregulla tё ngjashme me ato qё tё kujtojnё inkuizicionet papale tё dikurshme apo shtetet e sotme islamike, ku tё qenurit homoseksual dёnohet edhe me vdekje.

Shqipёria ёshtё njё vend europian, demokratik i cili aspiron t’i bashkohet familjes sё madhe perёndimore, por kjo nuk mund tё vijё duke i dhёnё disa tё drejta njё grupi e duke ia mohuar njё tjetri. Forumi Mysliman Shqiptar duhet tё kuptojё se nё kёtё shoqёri respektohen tё drejtat e çdo komuniteti dhe çdo grupi social, edhe kur kёto nuk dakordohen me njёra-tjetrёn.