Parlamenti Europian shqyrton tё drejtat LGBT nё Ballkanin Perёndimor

22 Prill, 2013 – Javёn e shkuar Parlamenti Europian miratoi pesё nga progres-raportet e tij vjetore pёr vendet kandidate dhe ato potenciale pёr tё hyrё nё BE. Shqipёria nuk ёshtё pjesё e kёtij raporti ndёrkohё qё rekomandimet mbi tё drejtat LGBT tashmё i kanё shkuar Kroacisё, Malit tё Zi, Serbisё, Kosovёs dhe Turqisё. Pёr herё tё parё asnjё grup politik i parlamentit nuk kёrkoi heqjen e paragrafёve ku bёhen kёrkesa dhe rezoluta specifike mbi tё drejtat LGBT. Nё raportin e fundit tё Kroacisё pёrpara hyrjes zyrtare tё vendit nё BE nё 1 Korrik 2013, Parlamenti rekomandoi mё shumё kujdes nё lidhje me diskriminimin dhe aktet e dhunёs duke kёrkuar garantimin e lirisё sё minoriteteve, pёrfshi edhe personat LGBT. Anёtarёt e Parlamentit mirёpritёn zhvillimet pozitive nё Malin e Zi, ku qeveria ka rritur pёrpjekjet nё favor tё tё drejtave tё personave LGBT, duke u angazhuar seriozisht me organizat LGBT dhe duke bashkёpunuar me vendet fqinje. Sulmet fizike dhe verbale u evidentuan si problematike. Nё lidhje me Serbinё, Parlamenti Europian veçoi rёndёsine e luftёs kundёr fjalimeve homofobike, kёrcёnimeve dhe sulmeve fizike. Anёtarёt e Parlamentit kanё qenё veçanёrisht tё shqetёsuar mbi ndalimin e Paradёs sё Beogradit duke rekomanduar qё autoritetet tё marrin masa specifike pёr tё rritur njohuritё mbi tё drejtat LGBT, tё luftojnё homofobinё dhe tё pёrmirёsojnё sigurinё. Ndёrkohё diskriminimi dhe sulmet kundёr aktivistёve LGBT nё Kosovё mbeten njё shqetёsim, sidomos pёr shkak tё masave tё dobёta tё marra nga qeveria dhe forcat e policisё. Anёtarёt e Parlamentit rekomanduan njё aplikim sa mё tё mirё tё ligjit pёr mbrojtjen nga diskriminimi. Gjithashtu, Anёtarёt e Parlamentit shprehёn shqetёsimet e tyrenё lidhje me projektligjin kundёr diskriminimit tё  Turqisё i cili vazhdon tё pёrjashtojё orientimin seksual dhe identitetin gjinor. Qytetarёt transgjinorё mbeten nё mёnyrё tё veçantё viktima tё dhunёs fizike dhe vrasjeve. Duke rekomanduar raportet, Ulrike Lunaçek, Anёtare e Parlamentit, Zv. Presidente e Grupit pёr tё Drejtat LGBT dhe Raportuese e Kosovёs shprehu mbёshtetje pёr arritjen e marrёveshjes sё fundit midis Serbisё dhe Kosovёs. Ajo shtoi: “Jal shumё e lumtur qё tё gjitha grupet politike mbёshtetёn paraqitjen e tё drejtave LGBT nё tё pesta raportet. Kolegё nga tё gjitha spektret politike janё bashkuar nё adrresimin e kёsaj çёshtje tek fqinjёt tanё nё Europёn Jug-Lindore, pёr tu thёnё atyre se diversiteti dhe barazia janё vlerat e tё gjithё Europёs. Jam e bindur se nё vitet nё vazhdim do mund tё hasim mё shumё vizibilitet tё personave LGBT. Dennis de Jong, Anwtar i Parlamentit dhe Zv. President i Grupit LGBT nw Parlamentin Europian shtoi : ‘Mbetem i shqetwsuar se ccdo vit, Paradat e organizuara nw kwtw rajon bien pre e kwrcwnimeve dhe dhunws fizike. Ne do tw sigurohemi qw sa mw shumw anwtarw tw Parlamentit Europian tw shkojnw nw sa mw shumw Pride qw tw jetw e mundur nw mbwshtetje tw komuniteteve energjike LGBT nw Ballkanin Perwndimor dhe Turqi.’

Burim: http://www.lgbt-ep.eu/press-releases/ep-takes-stock-of-lgbt-rights-in-western-balkans-and-turkey/

Gjuetia e gazetarёve homoseksualё nё Maqedoni

E pёrditshmja Veçer, e njohur edhe si gazeta pro-qeveritare nё vendin fqinj i ka kёrkuar lexuesve tё listojnё persona publikё nga fusha e medias tё cilёt ata mendojnё se janё gei, duke sugjeruar vetё disa emra.

Shkup 12 Shkurt 2013 – Vendimi pёr tё ekspozuar gazetarёt gei nё Maqedoni, ёshtё rrishtaz njё nga çmenduritё e rradhёs nё media, pёr tё konkuruar njё shaka televizive tё bёrё nё Serbi e cila doli jashtё kontrollit. “Ne i kёrkojmё lexuesve tanё tё na thonё emrat e gazetarёve tё dyshuar si gei dhe tё ndajnё me ne eksperiencat e tyre”, shkruante Veçer tё Enjten. Nga ana e saj gazeta sugjeroi disa emra tё tillё si Goran Mihajlovski, redaktor i portalit Libertas, Aco Kabranov si dhe redaktori i revistёs sё celebriteteve Krema, Zoran Vasilevski. Gazeta publikoi edhe fotografitё e tyre nё faqe tё parё. Aco Kabranov deklaroi se do ta hedhё gazetёn nё gjyq edhe pse pranoi se “padia do tё pёrfundojё diku nё ndonjё nga sirtarёt e gjykatёs.” Kjo ёshtё hera e dytё qё e pёrditshmja Vest bёn skandal, pasi njё javё me herёt kishte pyetur publikun tё sugjeronin njё gazetare tё famshme maqedonase e cila duhet tё intervistonte Kryeministrin Nikolla Gruevski pa tё brendshme.

Ideja u frymёzua nga njё ngjarje e ndodhur sё fundmi nё Serbi, ku nё njё video shfaqet Kryeministri Serb, Ivica Daçic teksa “intervistohet” nga njё modele pa te brendshme e cila luan rolin e njё gazetareje. Shakaja ka tёrhequr vёmendjen e publikut nё tё gjithё rajonin dyke i shtyrё gazetat maqedonase tё pyesin se kush gazetare mund tё bёnte tё njёjtёn gjё nё Maqedoni. Nё krye tё listёs ishte vetё kryeredaktorja e tё pёrditshmes Veçer, e cila mesa duket nuk ishte gёzuar shumё nga ky nominim. Pёr kёtё arsye ajo do tё hedhё nё gjyq gazetёn Vest e cila bёri kёtё anketim. Si rezultat i kёtij presioni e pёrditshmja Vest e hoqi anketimin nga faqja e vet, duke cituar si arsye “presion tё papritur” pёr tё ndёrmarё kёtё hap. Ndёrkohё gazetarja Olivera Trajkoska, e cila ishte gjithashtu e pёrfshirё nё anketim pati thёnё nё njё intervistё se ishte pёr tё ardhur keq qё njё anketim kaq argёtues do tё hiqej pёr shkak tё presionit nga grupet konservatore.

© Balkan Insight http://www.balkaninsight.com/

Serbi: Pёr herё tё parё njё gjykatё dёnon diskriminimin pёr shkak tё orientimit seksual

Beograd, 9 Janar 2013- Aleanca Gay Straight (GSA) me anë të një njoftimi për shtyp informon se zyra e saj për Shërbime Gjyqësore mori vendimin final nga Gjykata e Apelit në qytetin e Novi Sad, ku konfirmohej sjellja diskriminuese dhe diskriminimi i ashpër ndaj M.A (25 vjeç) nga Serbia nga qyteti Vršac nga kolegu i tij Dario K. (26 vjeç) nga Vlajkovac (qytet afër Vršac). Diskriminimi ka vazhduar për disa muaj, në kompaninë ku punonin të dy burrat.

Kjo ёshtё hera e parё qё jepet njё vendim përfundimtar bazuar në Ligjin Kundër Diskriminimit duke prekur çështjen e diskriminimit në punë për shkak të orientimit seksual. Shërbimi Gjyqësor i GSA, që përfaqsoi ligjërisht M.A, e ka mbrojtur këtë çështje kundër Dario K. që nga Prill, 2011. Vendimi final i Gjykatës së Apelit detyron Dario K. të dëmshpërblejë M.A me shumën 180 mijë dinarë serbё për dëmet e shkaktuara si shqetësim në formën e ankthit mendor, për shkak të shkeljes së mbrojtjes personale dhe të drejtën e privatësisë, reputacionit, dhe nderit; Dario K. do paguajë kostot e shërbimeve gjyqësore të ofruar nga GSA që shkon në shumën 99 mijë dinarë serb.

M.A. erdhi pranë zyrave të GSA në Mars 2011 dhe duke pranuar se kolegu i tij Dario K. e kёrcёnonte dhe fyente pёr njё kohё tё gjatё. Kjo sjellje e Dario K. filloi pasi ai kishte marrë telefonin e M.A pa leje dhe kishte lexuar mesazhet e tij private, ku kishte zbuluar për orientimin seksual të M.A. Pas kësaj Dario K. filloi ta fyente dhe kërcënonte M.A duke i thënë mes të tjerave: “Ti pederast, ma shpif”, “Ti je i shpifur, duhet t’ju vënë të gjithë në hu” dhe “Ju të gjithë duhet të dënoheni me vdekje” dhe më pas e kërcënoi “do të vras nësë vjen ndonjë gjë nga gjykata apo policia”. M.A gjithashtu thotë që Dario K. ka qënë fizikisht i dhunshëm ndaj tij në disa raste. Për shkak të një sjellje të tillë nga kolegu i tij ka qënë i detyruar të kërkojë asistencë mjeksore.

Gjykata e Apelit vendosi se në këtë rast i akuzuari Dario K. ka vepruar në mënyrë diskriminuese ndaj M.A për shkak të orientimit të tij seksual (gei) dhe duke qënë se kjo sjellje është përsëritur për 6 muaj, i akuzuari ka diskriminuar dhe diskriminmi quhet i rëndë. Vendimi është bazuar në Nenin 12, 13 dhe 21 të Ligjit kundër Diskriminimit dhe Gjykata e Apelit ka evidentuar dhe shkeljen e Neneve 21, 23 dhe 25 të Kushtetutës Serbe që e ndalon diskriminimin bazuar në cilindo motiv dhe që garanton të drejtën e dinjitetit human dhe të integritetit mendor.

Në shënimin e saj në vendimin përfundimtar, Gjykata e Apelit ka thënë se “është padyshim që fjalët “pederast” janë shprehje që në gjuhën serbe kanë konotacione negative dhe fyese për personat meshkuj që identifikohen si “gei” dhe përdorimi i tyre “përfaqёson një akt shqetësues që ka si qëllim të dhunojë dhe që dhunon dinjitetin personal bazuar në një karakteristikë - orientimin seksual”. Duke u nisur nga fakti që i akuzuari pasi mësoi për orientimin seksual të M.A e fyente në shumë raste dhe për një kohë të gjatë, Gjykata e Apelit gjykoi se sjellja përfaqёsonte një diskriminim të përsëritur dhe të zgjatur në kohë, dmth një diskriminim të rëndë.

Për fat të keq, vendimi i Gjykatës së Nivelit të Parë në qytetin e Vršac nuk ishte në favor të M.A. sepse e refuzoi çështjen për të marrë një vendim në lidhje me sjelljen diskriminuese të Dario K. dhe për të adrresuar dëmshpërblim material. Sidoqoftë, Shërbimi Gjyqësor i GSA apeloi për këtë vendim në Gjykatën e Apelit të Novi Sad, ku pas kësaj Komiteti i Gjykatësve vendosi se vendimi i Gjykatës së Nivelit të Parë të Vršac ishte marrë në bazë të aplikimit të gabuar të ligjit për të dhënat dhe më pas lëshoi vendimin përfundimtar në bazë të fakteve të paraqitura.

GSA është shumë e kënaqur me vendimin e Gjykatës së Apelit të Novi Sad dhe shpejtësinë e proçesit si dhe me shpjegimin për vendimin nga Gjykata e Apelit, si dhe për faktin që Gjykata e Apelit nuk e ktheu çështjen për rishqyrtim, që është një praktikë e shpeshtë, por e mori vetë vendimin.

M.A. është gjithashtu i kënaqur me vendimin dhe konfirmoi në një bisedë me GSA, se ai mori dëmshpërblim dhe mbrojtje për dinjitetin e tij. Ndër të tjera ai shprehet:

“Unë përpiqem të punoj shumë dhe orientimi im seksual nuk ndikon në rezultatet e punës sime. Si të gjithë unë e konsideroj atmosferën në punë të jetë shumë e rëndësishme, por unë keqtrajtohesha dhe isha shumë i mërzitur nga poshtërimi i përditshëm. Ishte shumë e vështirë por unë e kuptova që nuk kisha pse të vuaja në këtë mënyrë pasi nuk kisha bërë asnjë gabim. Shkova tek GSA dhe nisa ndjekjen ligjore të çështjes. Unë doja që shteti të më mbronte, të tregonte që ishte i interesuar në mbrojtjen time. Unë jam shumë i kënaqur me vendimin final, sepse konfrimon që mora vendimin e duhur, por me vendimin e shkallës së parë u zhgënjeva shumë. Pas tij mendova që nuk ka drejtësi, por nuk desha të dorёzohem, vazhdova të luftoja dhe më në fund drejtësia erdhi.”

Që nga 2009 GSA Shërbime Gjyqësore ofron ndihmë ligjore falas për viktima të dhunës dhe dikriminimit bazuar në orientimin seksual dhe identitetin gjinor të vërtetuar apo të presupozuar, në këtë mënyrë duke krijuar praktika gjyqësore dhe duke monitoruar punën e policisë dhe të gjyqësorit. Deri tani ka ndjekur rreth 30 çështje në të gjitha gjykatat në Serbi dhe ka fituar disa vendime përfundimtare për diskriminimin duke përfshirë çështjen kundër të përditshmes Press dhe Nebojša Bakarec, si dhe disa vendime të shkallës së parë, që janë arritje të rëndësishme duke konsideruar që deri më 2009 në gjykatat Serbe nuk ishin praktika për çështjet në lidhje me orientimin seksual dhe identitetin gjinor. GSA Shërbime Gjyqësore është aktualisht përfshirë në disa çështje në sfera të ndryshme, duke përfshirë tentativë vrasjeje ndaj një lesbikeje A.Ž. në Tetor 2011 për shkak të një bluzeje me simbolin Paradë Krenarie, rrahjen e një djali gay V.M. afër një klubi gay në Shtator 2012, fyerja dhe keqtrajtimi i një mësuesi M.D. nga Novi Sad për shkak të orientimit të tij seksual, ndalimi i një konference për shtyp i GSA në Qëndrën Sava dhe të tjera, si dhe ofrimi i këshilave ligjore të personave LGBT në raste kur kanë gjyqe të pavarur. Rastet e udhëhequra nga Shërbime Gjyqësore GSA në më të shumtën e rasteve janë botuar në raportet vjetore të GSA në statusin e të drejtave të njeriut për personat LGBT në Serbi.