Ambasada PINK/LGBT Pro Albania dёshiron tё shprehё shqetёsimin e saj pёr mospёrfshirjen e çёshtjeve tё komunitetit LGBT nё programin e ri, 92 faqёsh, tё Partisё Socialiste tё Shqipёrisё, gjё qё ёshtё njё tregues diskiminimi qё ende vazhdon tё mbizotёrojё nё jetёn politike shqiptare.
 | |
| Kopertina e Programit te PS |
Programi i PS supozohet se ёshtё programi qeverisёs pёr kёtё parti, nёse ajo vjen nё Qeveri. Por ndёrkohё, problemet, shqetёsimet, kёrkesat dhe nevojat e komunitetit LGBT vazhdojnё tё mbeten tё pashprehura dhe tё paadresuara, pёr aq kohё sa politika vazhdon tё pёrforcojё margjinalizimin, injorimin dhe veçimin e kёtij grupi social nga pjesa tjetёr e shoqёrisё.
Duke u njohur me kёtё program dhe mё konkretisht me seksionet “ripёrtёritje e shoqёrisё dhe “rivendosje e demokracisё” vёrejmё se programi flet pёr pёrmirёsimin e shёrbimeve jetike tё domosdoshme qё tё pёrballohen e arrihen nga tё gjithё, pёr edukim, dituri dhe kulturё tё arritshme nga tё gjithё, pёr shёrbime shёndetёsore tё barabarta, universale dhe solidare, kujdes pёr familjen, fёmijet dhe tё moshuarit etj. Por programi i PS nё asnjё rast nuk arrin tё pёrmendё aksesin e kёtyre shёrbimeve nga komuniteti LGBT.
Ndonёse Partia Socialiste mund tё jetё e gatshme tё bashkёpunojё me komunitetin LGBT dhe organizatat qё e pёrfaqёsojnё atё, artikulimi i çёshtjeve, nevojave dhe problemeve tё komunitetit LGBT duhet tё kenё pёr Partinё Socialiste tё njёjtёn pёrparёsi dhe rёndёsi siç kanё edhe grupet e tjera sociale tё shoqёrisё shqiptare, pasi e kundёrta do tё ishte njё tregues se partia mё e madhe opozitare ёshtё njё parti me qёndrime homofobie dhe qё punon kundёr respektimit tё tё drejtave tё njeriut.
Ambasada PINK beson se programi i Partisё Socialiste duhet qё shprehimisht tё pёrfshijё komunitetin LGBT nё programin e saj elektoral dhe duhet tё ofrojё zgjidhje konkrete dhe tё prekshme pёr kёtё grup social ashtu si pёr çdo grup tjetёr tё shoqёrisё shqiptare.
Ambasada PINK ёshtё e gatshme ti ofrojё Partisё Socialiste dhe tё gjitha partive tё tjera politike, bashkёpunimin dhe ekspertizёn e saj nё identifikimin dhe ofrimin e zgjidhjeve pёr çdo problem dhe shqetёsim tё komunitetit qё ajo pёrfaqёson.
No comments:
Post a Comment