Në shkollat e të gjithë Europës të rinj LGBT ngacmohen për shkak të orientimit tё tyre seksual dhe identitetit gjinor. Ngacmimi homofobik dhe transfobik është një realitet i përditshëm në jetën e shumë njerëzve. Është koha për të reaguar, sidomos në kuadër të studimeve kombëtare dhe raporteve, duke paralajmëruar se ka pasur një numër të lartë të vetëvrasjeve të personave që i perkasin komunitetit LGBT (lezbike , gay, biseksualë dhe transgjinorë) me shkak kryesor vetminё dhe refuzimin nga rrethi familjar dhe ai shoqёror.
Shtrirja e këtij problemi duket të jetë e madhe. Një studim në Britaninё e Madhe ka treguar se nëntë nga dhjetë mësues të shkollave të mesme ishin dëshmitarë të fëmijëve të cilët iu nënshtroheshin ngacmimeve homofobike në shkollat e tyre. Midis mësuesve të shkollave fillore dy nga pesë e kishin vëzhguar dicka të ngjashme në lidhje me fëmijët në këtë fazë shumë të hershme.Gjithashtu studime të tilla kanë treguar se fëmijët në shkollat fillore përdorin shprehje homofobike. Ata përdorin shpesh një zhargon negativ, pa e kuptuar se çfarë fjale i referohen.
Raporti i fundit nga Komisioneri pёr tё Drejtat e Njeriut: "Diskriminimi në bazë të orientimit seksual dhe identitetit gjinor në Europë" përmban shembuj të shumtë se si informacioni i gabuar në lidhje me personat LGBT është shpërndarë, nganjëherë edhe nga vetë shkollat. Ky është një problem serioz dhe mund të kontribuojë në ngacmimin dhe në forcimin e qëndrimeve homofobike dhe transfobike.
Librat shkollore të përdorura për të përhapur paragjykimet
Organizata Botërore e Shëndetësisë e hoqi Homoseksualitetin nga klasifikimi Ndërkombëtar i Sëmundjeve në vitin 1990. Pavarësisht nga kjo, paragjykimet dhe keqkuptimet vazhdojnё tё jenё pjesё e progameve tё disa shkollave europiane.
Verёn e vitit tё kaluar, nё Ish Republikёn Jugosllave tё Maqedonisё, u mor vendimi pёr tё rishikuar njё tekst shkollor i cili i pёrshkruante homoseksualёt si “persona me probleme nervore dhe psiqike” me një "jetë anormale, të panatyrshme dhe të degjeneruar seksuale". Nga Lituania fёmijёve u mёsohej se homoseksualiteti është një sëmundje dhe se marëdhëniet e të njëjtit seks shkatërrojnë familjen.
Në vitin 2009 Komiteti Europian i të Drejtave Sociale përcaktoi një standard të rëndësishëm në shqyrtimin e ankesës kundër Kroacisë në lidhje me përmbajtjen e një teksti shkollor të biologjisë i cili përmbante informacion paragjykues. Komiteti konstatoi se "disa materiale edukative të cilat janë përdorur në programet e rregullta mësimore janë të njëanshëme, diskriminuese dhe degraduese." Kroacia ka tërhequr tekstin si rezultat i gjetjeve të Komitetit, edhe pse OJQ-të në vend ende raportojnё probleme të ngjashme me tekste të tjera.
"Mos e mbështet ngacmimin homofobik "
Disa shtete anëtare tё Kёshillit tё Europёs kanë marrë iniciativa inkurajuese. Një plan veprimi kombëtar në Norvegji ka si objektiva shkollat në nivelin fillor dhe të mesëm dhe ka shtuar një dimension LGBT të lëndëve në përmbajtjen e zakonshme. Në Estoni programi kombëtar i studimit ofron një bazë për diskutime mbi çështje të komunitetit LGBT.
UNESCO ka filluar një studim ndërkombëtar për ngacmimet homofobike në institucionet arsimore. OJQ-të kanë ndërmarë fushata të domosdoshme kundër ngacmimeve homofobike të tilla si ajo nё Irlandё, me temёn: "Mos e mbeshtet ngacmimin homofobik ".
Ekziston një nevojë e fortë për të rishikuar programet dhe materialet mësimore në të githa shtetet anёtare të Këshillit të Europës. Kjo u theksua edhe në një Rekomandimi tё Komitetit të Ministrave, i Këshillit të Europës i cili u bëri thirrje vendeve anëtare për të siguruar "nxënësit dhe studentët me informatat e nevojshme për mbrojtje, dhe mbështetje për t’i mundësuar atyre një jetesë në përputhje me orientimin e tyre seksual dhe identitetin gjinor."
Detyrimi i shkollave pёr tё mbrojtur studentёt
Është një detyrim për të gjitha shkollat tё mbrojnё studentёt e tyre nga ngacmimi dhe për t’u mësuar atyre respekt dhe transparencë. Personelit të shkollave i’u duhet një trajnim i plotë në lidhje me çështjet e jo-diskriminimit. Një mjet i rëndësishëm në këtë drejtim mund të jetë një paketë trajnimi mbi reduktimin e dhunës në shkolla i Këshillit të Europës .
Krijuesit e politikave dhe menaxhimit të shkollës duhet të japin mbështetje të fortë për mësuesit, në mënyrë që ata të kenë mjete dhe burime për të krijuar një mjedis të shëndetshëm dhe gjithëpërfshirës në shkolla dhe klasa.
Thomas Hammarberg
Komisioner pёr tё Drejtat e Njeriut nё Kёshillin e Europёs
Linku: Faqja e tematike e Komisionerit për të drejtat e njeriut të personave te komunitetit LGBT (lesbike , gay, biseksualë dhe transgjinorë)
No comments:
Post a Comment